«10 kúnnen keıin Zaısanǵa taǵy da kelemin», dedi D.Ahmetov.
О́tken aptada koronavırýsqa baılanysty turǵyndary óz alańdaýshylyqtaryn bildirgen Zaısan aýdanyna búgin jańa ákim tanystyryldy. Esterińizge sala keteıik, 19 aqpanda Zaısan aýdanynyń Saryterek jáne Aınabulaq aýyldarynyń turǵyndary «Qytaıdan kelgenderdi koronavırýsqa baılanysty osy eldi mekenderdegi medısınalyq pýnktterge ornalastyrady» degen anyq-qanyǵy belgisiz habardy bir-birinen estip, buǵan óz narazylyqtaryn bildirgen bolatyn.
20 aqpanda oblys ákimi Danıal Ahmetov arnaıy baryp, máseleni jan-jaqty túsindirgennen keıin ǵana jergilikti halyq sabasyna túsken-di. Sol kezde turǵyndar oblys ákimine: «Keshe aýdan ákimin saǵat 3-ten bastap kúttik. Túngi saǵat 11 jarymda keldi. Jergilikti bılik halyqpen sanaspaıdy» dep aýdan basshylyǵynyń jumysyna kóńili tolmaıtyndyqtaryn jetkizgen edi. Búgin mine D.Ahmetov Zaısan jurtshylyǵyna osy aýdandy buǵan deıin bir márte basqarǵan Serik Zaınýldındi tanystyrdy. Ol buǵan deıin Úrjar aýdanynda ákim bolǵan. «10 kúnnen keıin Zaısanǵa taǵy da kelemin. Shekaralyq aımaqtaǵy 5 aýdanǵa 207 mıllıard teńge qarajat bólemiz. Onyń ishinde Zaısan da bar» dedi D.Ahmetov aýdan ákimin tanystyrǵan jıynda.
Shyǵys Qazaqstan oblysy,
Zaısan aýdany
Sýret Erkebulan Zaǵyparovtyń feısbýktegi paraqshasynan alyndy