Qaraǵandy oblysynda saqtandyrý qorymen kelisimshart jasasqan emhanalar, ortalyqtar jáne aýrýhanalar QR-kodtarmen belgilendi. Iаǵnı bul jerlerde tegin medısınalyq kómektiń kepildik berilgen kólemi men medısınalyq saqtandyrý paketi sheńberinde qyzmetter kórsetiletin bolady.
Medısınalyq saqtandyrý qory Qaraǵandy fılıalynyń dırektory Fazyl Kopobaev QR-kodtardyń arqasynda azamattar ártúrli baılanys arnalaryna jyldam qatynaý múmkindigine ıe bolatynyn atap ótti.
– Sondaı-aq, medısınalyq saqtandyrý, qoljetimdi qyzmetter men óz quqyqtary týraly qajetti aqparat alý úshin Telegram jáne What'sApp- bottarymen baılanysa alady, - dep túsindik berdi ol.
Qaraǵandy oblysynda QR-kodtarmen belgilengen uıymdar sany 120-dan asady. Bul kodty uıaly telefon arqyly skanerlegende birden medısınalyq saqtandyrý qorynyń saıtyna ótýge bolady.
Qaraǵandy oblysy