Túrkistan oblysynyń taýly aımaǵyndaǵy Túlkibas aýdanynyń sharýalary bıyl jyl boıyna egistikten eki ret ónim jıyp alýdy kózdep otyr. Byltyr osy jańashyl ádisti tájirıbe retinde synap kórgen birshama sharýalar tabyspen shyqan bolatyn. Bıyl qyzyǵýshylyq tanytqan dıqanshylar qatary artqan.
Búgingi tańda bir jerden eki ónim alatyn 154 sharýashylyqtyń tizimi jasalynyp, jalpy kólemi 265,33 gektarǵa qyzanaq, qııar, júgeri, noqat, sarymsaq, kartop kókónisteri otyrǵyzylǵan. Aýdandyq aýyl sharýshylyǵy bóliminiń mamandary birinshi ónim 1721,3 tonna, al 2-shi ónim kólemi 4358,0 tonnaǵa jýyqtaıtynyn aıtyp otyr. Jalpy Túlkibas aýdanynda aýyl sharýashylyǵy jáne jappaı kásipkerlikti damytý baǵytynda aýqymdy jumystar iske asyrylýda.
Qazirgi tańda aýdan ákimdiginiń tıisti derbes bólimderi men kent, aýyldyq okrýg mamandary tarapynan óz kásibin ashýǵa qyzyǵýshylyq bildirgen turǵyndarǵa jan-jaqty qoldaýlar kúsheıtilgen. Sonymen qatar sýarmaly jerlerdi ulǵaıtý maqsatynda da júıeli sharalar iske asýda.