Bul jaıynda Almaty qalasynyń ákimi Baqytjan Saǵyntaev óziniń Instagram paraqshasynda jazdy. Birer kún buryn qala ákiminiń qatysýymen Iskerlik keńes janyndaǵy turaqty damý komıtettiń ekologııa boıynsha jumys tobynyń alǵashqy otyrysy ótken bolatyn.
Almatynyń ekologııalyq ahýaly qala turǵyndary men mamandardy kópten alańdatyp kele jatqan másele. Búginde megapolıste qorshaǵan ortany saýyqtyrýǵa arnalǵan keshendi sharalar qolǵa alynǵan.
«Iskerlik keńes janyndaǵy turaqty damý komıtettiń ekologııa boıynsha jumys tobynyń alǵashqy otyrysyna qatystym. Qalanyń ekologııa salasyndaǵy jetekshi sarapshylary, qoǵam belsendileri men basqarma basshylary ashyq pikirtalas barysynda pikir almasyp, qalanyń ekologııalyq jaǵdaıyn saýyqtyrý ári aýa sapasyn jaqsartý boıynsha qysqa jáne uzaq merzimdi sharalar paketterin ázirleýge kelisti. Bul – bizdiń ortaq strategııalyq maqsatymyz. Budan ózge «Qazaqstannyń ekologııalyq uıymdarynyń qaýymdastyǵy» ZTB basqarmasynyń tóraıymy Aıgúl Solovevamen yntymaqtastyq týraly memorandýmǵa qol qoıdyq. Onyń aıasynda Almatyny qorshaǵan ortany saýyqtyrý boıynsha keshendi sharalar qabyldanady» - dep jazdy B.Saǵyntaev.