Almaty polısııasy júrgizgen «Kontrafakt» jedel profılaktıkalyq operasııasynyń nátıjesine oraı páter tonaýmen aınalysyp kelgen qylmystyq top áshkerelendi.
Osy operasııa barysynda áshkerelengen bes qylmys aqparat jáne baılanys salasymen baılanysty. Onda 50 jasar azamat jasyryn jazatyn aýdıo-vıdeo tehnıkany saýdalaǵan. Odan fleshka salatyn oryn men zarıad qurylǵysy tárkilengen. Sondaı-aq eki azamat ınternet alańda elıtalyq páterdi jalǵa berý jarnamasyn taratyp, qolymyz tımeı jatyr degen jeleýmen elektrondy aýdarym talap etken. Almaty qalalyq PD Qylmystyq polısııa basqarmasynyń basshysy Janbolat Zıadın qylmyskerlerdiń tutynýshylardyń qarjysyn osylaı aldap ıemdenip kelgenin aıtyp, búginde kóptegen qylmystar ınternet arqyly jasalatyndyǵyna toqtaldy.
Taraptardyń birin biri kórmeı saýdalasýy, basqa da mámileler jasaýy, tanymaıtyn azamattarǵa bank esep shottaryn, rekvızıtterin berý arqyly alaıaqtyq jolmen tabys tabatyndardan saq bolýǵa shaqyrǵan polısııa ókili jaqynda ustalǵan áıel adamnyń ınternet dúkennen taýar alý barysynda satýshy almaq bolyp, satýshydan kartanyń málimetterin suratqan. Satýshy esh kúdiksiz málimetterin bere salǵan. Sodan soń karta málimetterin paıdalana otyryp karta ıesiniń atyna mıkronesıe uıymy arqyly nesıe rásimdetken. Karta ıesine iri qarajat túsken soń habarlasyp, aqshany shatasyp laqtyryp jiberdim dep Kıvı ámııan arqyly qaıtaryp berýin ótingen. Osylaısha ol satýshynyń moınyna birneshe jylǵa nesıe ilingen. Taǵy bir alaıaq VPN qurylǵysy arqyly áleýmettik jelilerde ózin shaǵyn nesıe uıymy qyzmetkerimen dep tanystyryp, qorqytý arqyly áıel adamnan qarjy talap etken.
ALMATY