Geologııalyq barlaý nátıjeleri joǵary

Baspasóz máslıhatyna Eko­logııa, geologııa jáne ta­bıǵı resýrstar vıse-mı­nıs­tri Sanjar Jarkeshov, mı­nıstrliktiń Geologııa komı­­tetiniń tóraǵasy Aqbatyr Na­dyr­baev jáne Qazaqstan mu­naıshy-geologter qo­ǵa­my­nyń prezıdenti Baltabek Qýandyqov qatysty.

Spıkerlerdiń aqparaty boıynsha qazirgi ýaqytta mem­lekettik baǵdarlama ázir­lenýde, onyń basty min­de­ti – shıkizat bazasyn to­lyq­tyrý, salaǵa ınvestısııa tartý. Vıse-mınıstr S.Jar­keshov atap ótkendeı, 76 ny­sanda júrgizilgen geo­lo­gııa­lyq zertteýler nátı­je­sin­de respýblıkanyń bar­lyq óńirlerinde paıdaly qaz­ba­lardy anyqtaýǵa arnal­ǵan perspektıvalyq ken orny anyq­taldy.

Málimetter boıynsha al­tyn­­nyń boljamdy resýrs­ta­ry – 2,3 myń tonna, mys – 33 mln tonna, polımetaldar 35,6 mln tonna dep baǵalanady, 500 myń tonna sırek metaldar (qalaıy, volfram), sondaı-aq lıtıı jáne sırek jer elementteri resýrstary bar. Al kómirsýtegi qorlary 4,4 mlrd tonnany qurap otyr.

«Biz jańa ashylýlardyń áleýeti zor ekenine kóz jet­kiz­dik. Osy arqyly ásirese Jezqazǵan, Sátbaev, Zyrıan jáne Rıdder qalalarynyń ma­ńynda jańa jumys oryndaryn quryp, halyqtyń jumyspen qamtylýyn arttyrý múmkindikteri bar» dep atap ótti S. Jarkeshov.

Spıkerler óz sózderinde 2025 jylǵa qaraı memlekettik baǵdarlamany iske asyrý: zertteý úshin qoljetimdi 1,25 mln sharshy shaqyrym aýmaqtyń zerttelýin 37%-ǵa deıin jetkizýge; paıdaly qazbalardyń boljamdy resýrstaryn baǵalaýǵa jáne shamamen 40-50 perspektıvaly ýchaskelerdi anyqtaýǵa; shógindi basseınderdiń zerttelý dárejesin arttyrýǵa, sonyń ishinde ıgerilgen bas­­seınderdiń zerttelý deń­geıin 60%-ǵa deıin, az zert­tel­genderdi 10%-ǵa deıin jetkizýge, qatty paı­da­ly qaz­balar men kómir­sý­­tegi shı­ki­zatynyń basym túr­­leri bo­ıynsha boljamdy re­sýrs­tar­dyń ósýin qam­ta­masyz etýge múmkindik bere­ti­nin aıtty.

Geologııalyq ǵylymdy damytýǵa basa nazar aýdarylatyn bolady. Sonyń ishinde óńirlik izdestirý jáne barlaý satylaryn ǵylymı-zertteý jáne taldamalyq súıemeldeýge erekshe ekpin túsirilmek.

Osy rette aıta ketetin bir másele, memlekettik baǵ­dar­lamany iske asyrý úshin bó­lin­gen 200 mlrd teńge bıýdjet salymy 800 mlrd teńge bolyp qaıtady degen boljam jasalýda. Iаǵnı árbir salynǵan 1 teńge 4 teńge paıda ákeledi dep kútilýde.