Kúrdeli isterdi sheshý, oqıǵalar barysyn qalpyna keltirý jáne shyndyqty ashý - bul jumys adal jáne ádil adamdardyń isi. Búgingi kúni osy mamandyqtyń ıesi basqa qyzmetkerlerdiń is-áreketterin úılestiretin jáne baǵyttaıtyn jedel-tergeý tobynyń mańyzdysy bolyp tabylady. Ol qylmyskerdiń kinásin nemese kúdiktiniń kinásizdigin dáleldeıdi. Bul týraly Mańǵystaý oblystyq Polısııa Departamentiniń baspasóz qyzmeti habarlady.
2019 jyldyń qorytyndysy boıynsha Mańǵystaý oblysynyń Polısııa departamentinde jeke tulǵaǵa qarsy qylmystardy tergeý bóliminiń asa mańyzdy ister jónindegi aǵa tergeýshisi polısııa maıory Alekseı Klımenko jáne PD Tergeý basqarmasynyń aǵa anyqtaýshysy polısııa kapıtany Imammaǵzum Shaǵyrbaev tergeý jáne anyqtaý salasynda úzdik dep tanyldy. Olar óz salasynda joǵary kórsetkishterge qol jetkizdi. Alekseı Klımenko 2007 jyly QR IIM Almaty akademııasyn bitirgennen keıin Aqtaý qalalyq IIB-da múliktik qylmystardy tergeý bóliminiń tergeýshisi qyzmetin bastady.
Imammaǵzum Shaǵyrbaev 2009 jyly B. Beısenov at. QR IIM Qaraǵandy Akademııasyna oqýǵa tústi. Oqý ornyn aıaqtaǵan soń Aqtaý qalalyq IIB Ákimshilik polısııa bóliminde ýchaskelik polısııa ınspektorynyń kómekshisi bolyp jumys isteı bastady.
2019 jyldyń qorytyndysy boıynsha joǵary kórsetkishterge qol jetkizgeni úshin Mańǵystaý oblysy PD Gramotasymen marapattaldy, sondaı-aq olarǵa QR IIM Alǵys jarııalandy.
Mańǵystaý oblysy