Elordada otandyq kásipkerlerdi qoldaý tetikterin talqylaý maqsatynda «Samruk Business Forum» sharasy bastaldy.
Jıynǵa Úkimet basshysy Asqar Mamın, «Samuryq-Qazyna» UÁQ» AQ basqarma tóraǵasy Ahmetjan Esimov, «Atameken» UKP basqarma tóraǵasy Abylaı Myrzahmetov qatysýda.
Búgingi forýmǵa shaǵyn jáne orta bıznes salasyndaǵy 200-ge tarta kásiporynnyń ókilderi qatysýda.
Sóz sóıleý barysynda Ahmetjan Esimov bir kózden satyp alýdy 22 esege - 4500 pozısııadan 198-ge deıin qysqartý týraly habarlady. Ol qordyń satyp alý qurylymyn 2018 jyldyń 1 qańtaryna taldaý bir kózden satyp alýdyń eleýli úlesin kórsetti (90%). Osyǵan baılanysty kelisim-sharttar «bıýdjetke» jasaldy, únemdeý jáne básekelestik orta bolǵan joq.
«Júrgizilgen jumys esebinen biz básekelestik naryqqa 650 mlrd teńgeden astam satyp alýdy tapsyrdyq. Olarǵa 13 myńnan astam shaǵyn bıznes sýbektileri tikeleı qol jetkizdi. Bizdiń kompanııalar qurylǵan básekelestik orta esebinen 40 mlrd teńge únemdedi», - dedi Ahmetjan Esimov.