Birinshi onkúndiktiń basynda soltústik jartysynda temperatýralyq fon túnde 5..10 aıaz, shyǵysta keı jerlerde 15...20 deıin aıaz, kúndiz 5 aıaz...5 jyly, ońtústik óńirlerde kúndiz aýa 10...20 deıin jylynady. Bul týraly «Qazgıdromet» RMK habarlady.
Naýryzdyń basynda jáne ortasynda atmosferalyq fronttardyń ótýine baılanysty respýblıkanyń basym bóliginde jaýyn-shashyn (jańbyr, qar), ońtústik, ońtústik-shyǵys jáne shyǵys aımaqtardyń keı jerlerinde qatty, ekpindi jel 15-25 m/s deıin, soltústik óńirlerde burqasynmen jaýyn-shashyn kútiledi.
Respýblıka boıynsha jıi tuman, soltústik jartysynda kóktaıǵaq kútiledi. Jaýyn-shashynmen qatar aýa temperatýrasy tómendeıdi.
Birinshi onkúndiktiń sońynda Kar teńizinen sýyq antısıklonnyń basyp kirýimen respýblıkanyń soltústiginde, shyǵysynda jáne ortalyǵynda aýa temperatýrasy tómendep, termometr baǵany túnde 10...15, keı jerlerinde 20-25 aıazǵa deıin, kúndiz 5...13 aıazǵa deıin, ońtústikte túnde 2...12 aıazǵa deıin, kúndiz 0...8 jylyǵa deıin tómendeýi múmkin.
Qazaqstannyń batysynda birinshi onkúndiktiń basynda jáne ortasynda jaýyn-shashyn kútiledi, aýa temperatýrasy túnde 0...8 aıazdan 0...5 jylyǵa deıin, kúndiz 0...5 jylydan 5...13 jylyǵa deıin ózgeredi. Naýryz aıynda aýanyń ortasha aılyq temperatýrasy Qazaqstannyń basym bóliginde normadan 1°S joǵary, ońtústik - shyǵys bóliginde norma shamasynda (norma: soltústik jartysynda - 3...9 aıaz, ońtústik jartysynda - 2 aıaz...8 jylýdy quraıdy). Respýblıkanyń basym bóliginde jaýyn-shashyn mólsheri normadan kóp, elimizdiń batys bóliginde norma shamasynda bolady dep boljanýda. Bir aı ishinde sıklondar men antısıklondardyń jıi aýysýy jaýyn-shashynnyń jıi túsýine jáne aýa temperatýrasynyń ózgerýine sebepshi bolady.