Premer-Mınıstrdiń orynbasary Roman Sklıar Eýropalyq bıznes qaýymdastyǵynyń ókilderimen kezdesý barysynda eldiń qolaıly ınvestısııalyq ahýaly týraly aıtyp, ınvestorlarǵa ekonomıkanyń túrli sektorlarynda: týrızm, sıfrlyq ekonomıka, densaýlyq saqtaý, ınfraqurylym jáne t. b. salalarda jańa múmkindikter berý máselelerin talqylady. Bul týraly primeminister.kz habarlady.
Kezdesýde Qazaqstan ekonomıkasynyń 2019 jyly 4,5%-ǵa óskeni, al shıkizattyq emes sektorǵa sapaly sheteldik ınvestısııalardy tartý QR Úkimetiniń basym mindetteriniń biri ekeni atap ótildi.
О́z kezeginde sheteldik delegasııanyń basshysy Iohan Vanderplaetse ‒ Eýropalyq bıznes qaýymdastyǵynyń basqarma tóraǵasy, Reseı men TMD-daǵy Schneider Electric prezıdenti álemdegi energııa tutynýdyń ózgermeli qurylymy aıasynda Qazaqstan ekonomıkasyn ártaraptandyrý máseleleriniń ózektiligin atap ótti.
Sonymen qatar bıznes ókilderi Indýstrııa 4.0, jasyl ekonomıka, turaqty damý, QR-daǵy elektr kóligi ınfraqurylymyn, onyń ishinde tehnologııalar transferti jáne jergiliktendirý arqyly qoldaý boıynsha memlekettik baǵdarlamalar men bastamalarǵa qatysý múmkindigin qarastyrdy.