Almaty mýzeıinde Abaı atyndaǵy Qazaq Ulttyq pedagogıkalyq ýnıversıteti, О́ner, mádenıet jáne sport ınstıtýtynyń oqytýshylary men stýdentteriniń jumystarynan quralǵan «Gúldengen kóktem» atty kórme ashyldy.
Bıyl alǵash ret uıymdastyrylǵan sharada keskindeme sýretter, kıim eskızderi men túrli qolóner týyndylary qoıylǵan.Uıymdastyrýshylar kórmeniń maqsaty – stýdentterdiń týyndylaryn tek otandyq dızaınerler arasynda ǵana emes, barsha qala turǵyndary men qonaqtaryna nasıhattaý ekenin aıtady.
Sharada dızaın salasynyń oqytýshylary men stýdentterdiń týyndylary birdeı dárejede kórermenge usynyldy.
«Eń aldymen kórmeden ustaz ben stýdenttiń arasyndaǵy baılanysty, ónerdegi baılanysty kórýge bolady. Biri kásibı maman, ekinshisi stýdent bolǵanymen, teń dárejedegi adamdardyń ónerin baıqaımyz. Stýdent kezde de joǵary nátıjege qol jetkizýge bolady», – deıdi Abaı atyndaǵy qazaq ulttyq pedagogıkalyq ýnıversıteti, О́ner, mádenıet jáne sport ınstıtýtynyń dırektory Toqqoja Qojaǵulov.
О́ner kórmesi 12 naýryzǵa deıin ashyq.