Densaýlyq saqtaý mınıstrligi ótken táýlikte koronavırýs ınfeksııasyn juqtyrýdyń jańa oqıǵasy tirkelmegenin málimdedi. Elimizde shetelden kelgen 4 azamattan vırýs anyqtalǵany belgili.
«Qurmetti qazaqstandyqtar, ótken táýlik ishinde elimizde koronavırýstyq ınfeksııa juqtyrýdyń jańa oqıǵasy tirkelgen joq. Jalpy juqtyrǵandar sany - 4 adam. Olar dárigerlerdiń qatań baqylaýynda. Naýqastarmen baılanysta bolǵan azamattar anyqtalyp, baqylaýǵa alyndy» delingen Densaýlyq mınıstrliginiń Taýarlar men kórsetiletin qyzmetterdiń sapasy men qaýipsizdigin baqylaý komıteti taratqan aqparatta.
Sondaı-aq mınıstrlik respýblıka boıynsha COVID-19 vırýsynyń aldyn alý jáne oǵan qarsy kúres jónindegi is-sharalar tolyq kólemde jalǵasatynyn aıtty.
Eske salsaq, keshe Densaýlyq saqtaý mınıstri Germanııadan kelgen eki azamattan koronavırýs anyqtalǵanyn málimdegen.
Keıinirek Italııanyń Mılan qalasynan Nur-Sultanǵa 12 naýryz kúni ushyp kelgen Qazaqstan azamatynyń indetke shaldyqqany aıtyldy.
Al tórtinshi naýqas týraly Densaýlyq saqtaý mınıstrliginiń resmı ókili Dıas Ahmetshárip «Qazaqstan» telearnasyndaǵy «Ashyq alań» baǵdarlamasynda aıtty. Ol azamat ta Germanııadan kelgen ushaqtyń ishinde bolǵan.