Bıznesti qoldaý jáne eńbek naryǵynda turaqtylyqty qamtamasyz etýge qatysty Memleket basshysynyń tapsyrmasyn oryndaý úshin jeti negizgi baǵyttan turatyn jedel sharalar toptamasy ázirlenýde. Bul týraly Ulttyq ekonomıka mınıstri Rýslan Dálenov Úkimet otyrysynda málimdedi.
Mınıstr aıtqandaı, bul qoljetimdi qarjylandyrý, kepildikter berý, salyqtyq yntalandyrý jáne bıznesti tekserýlerdi azaıtý, sondaı-aq halyqty jumyspen qamtamasyz etý.
«Bıznestiń jol kartasy-2025» jáne «Qarapaıym zattar ekonomıkasy» baǵdarlamalaryn sınhrondaý sheńberinde kásipkerler úshin teńgelik qarjylandyrýǵa qoljetimdilikti kóterý kózdeletin bolady. Birinshiden, nesıelendirý 1 trln teńgege deıin 400 mlrd teńgege ulǵaıatyn bolady», - dedi R.Dálenov.
Mınıstr sondaı-aq Memleket basshysy televızııa arqyly jasalǵan úndeýinde atap ótkendeı, kásipkerlikti qoldaýǵa jáne jańa jumys oryndaryn qurýǵa 300 mlrd teńge bólinetinin eske saldy.
«Nesıelerdi sýbsıdııalaý jáne salyqtyq yntalandyrýlardy berý máseleleri qosymsha pysyqtaldy, sondaı-aq «Qarapaıym zattar ekonomıkasy» baǵdarlamasy sheńberinde 400 mlrd teńgege deıin qosymsha teńgedegi ótimdilik beriletin bolady. Qyzmettik belsendilikti saqtaýdan basqa 200 myń jańa jumys orny qurylady. Jalpy, atalǵan jedel sharalar eńbek naryǵynyń jáne ekonomıkaǵa turaqtandyrý áserin beredi», - dedi ol.