Áleýmettik jelilerde jáne WhatsApp messendjerinde oqýshylardyń mektepke nemese dúkenderge kelgenin anyqtaý maqsatynda reıd júrgiziletini jáne anyqtalǵan jaǵdaıda ata-analarǵa aıyppul salynatyny týraly tarap jatqan aqparat shyndyqqa janaspaıdy. Bul týraly Bilim jáne ǵylym mınıstrliginiń baspasóz qyzmeti habarlady.
"Qazirgi ýaqytta mektep oqýshylary kóktemgi kanıkýlda, pedagogtar qashyqtan jumys isteýde, memlekettik qosymsha bilim berý uıymdary jabyldy. Balalardy jekemenshik damytý ortalyqtaryna jiberýge qatysty sheshimdi ata-anasy nemese zańdy ókilderi qabyldaıdy.Qosymsha suraqtar boıynsha Bilim jáne ǵylym mınıstrliginiń Sall-ortalyǵyna: +7 (7172) 74-24-11 telefon nómiri arqyly nemese oblystardyń jáne respýblıkalyq mańyzy bar qalalardyń Bilim basqarmalaryna habarlasýǵa bolady" delingen habarlamada.Esterińizge salaıyq, jalǵan aqparat taratýshylardy jaýapkershilikke tartý zańda qarastyrylǵan.