Búgin Astanadaǵy Táýelsizdik saraıynda 2012-2022 jyldardaǵy Mádenıetter jaqyndastyǵynyń halyqaralyq onjyldyǵynyń ınaýgýrasııasyna oraı halyqaralyq forým ótedi.
Búgin Astanadaǵy Táýelsizdik saraıynda 2012-2022 jyldardaǵy Mádenıetter jaqyndastyǵynyń halyqaralyq onjyldyǵynyń ınaýgýrasııasyna oraı halyqaralyq forým ótedi.
BUU Bas Assambleıasy tarapynan qoldaý tapqan elimizdiń bul bastamasy, IýNESKO-men birlesip ótkizip jatqan is-shara halyqaralyq qaýymdastyqtardyń mádenıetaralyq dıalogtaryn damytýǵa baǵyttalǵan. Forým halyqaralyq saıası, akademııalyq jáne isker ortalardyń ókilderiniń basyn biriktirip, sondaı-aq, kún saıyn ózgerip jatqan myna jańa álemde beıbitshilik pen turaqtylyqty qalaı saqtap qalamyz degen turǵyda azamattyq qoǵam men úkimettik emes uıymdar ókilderiniń de pikirlerin talqyǵa salýdy kózdeıdi.
Forým jumysyna IýNESKO-nyń beıbitshilik jáne mádenıetter dıalogy máseleleri boıynsha joǵary deńgeıdegi tobyna kiretin halyqaralyq uıymdardyń basshylary men tanymal tulǵalar, sondaı-aq, etıka jáne mádenıetaralyq kommýnıkasııa, bilim jáne mádenı mura boıynsha 30 elden sarapshylar qatysady.
Forýmnyń qurmetti qonaqtarynyń arasynda IýNESKO-nyń bas dırektory Irına Bokova, BUU órkenıetter alıansiniń joǵary ókili Nasır Abdýlazız Al-Nasser, ISESKO-nyń bas dırektory Abdýlazız Otman Altýeıdjrı, TÚRKSOI-dyń bas dırektory Dúısen Qaseıinov, BUU-nyń bilimge quqyq boıynsha arnaıy baıandamashysy Kıshore Sıngh, Nobel syılyǵynyń ıegeri, jazýshy Vole Shoıınka, taǵy basqa da aıtýly tulǵalar bar.
Bizdiń elden atalmysh is-sharaǵa Parlament depýtattary, IýNESKO jáne ISESKO isteri boıynsha Ulttyq komıssııanyń músheleri, mádenıet pen óner qaıratkerleri qatysady.
Aıgúl Seıilova,
«Egemen Qazaqstan».
Máńgilik murat
Astanada ótetin Mádenıetterdiń halyqaralyq jaqyndasýynyń onjyldyǵyna arnalǵan sharanyń tusaýkeserine arnaıy kelgen Tájikstan Respýblıkasy Ǵylym akademııasy Rýdakı atyndaǵy Til, ádebıet, shyǵystaný jáne jazba muralary ınstıtýtynyń dırektory, akademık, IýNESKO ulttyq komıssııasynyń múshesi Akborı TÝRSONDY áńgimege tartqan edik.
– Astanada Mádenıetterdiń halyqaralyq jaqyndasýynyń onjyldyǵyna arnalǵan sharanyń tusaýkeser rásimi ótedi. Osy sharadan siz ne kútesiz, onyń máni men mańyzy týraly ne aıtar edińiz?
– Aldymen aıtarym, meni Qazaqstanǵa tájik halqynyń mádenıetin ózimen birge alyp kelgen adam retinde qaraýyńyzǵa bolady. О́ıtkeni, men maqtanǵanym emes, óz elimniń mádenıetin bir kisideı bilemin. Bizdiń halyq ejelgi halyqtardyń biri. Alǵashqy memleketimiz de osydan talaı ǵasyrlar buryn qurylǵan. Qazir Jaratýshyǵa myń da bir rahmet, tájik eliniń mádenıeti sonaý yqylym zamannan beri kele jatqan tilimizdi, salt-dástúrimizdi, ónerimizdi, tarıhymyzdy ózimen birge alyp keledi. Bizdiń halyq kishkentaı bolsa da tarıhı qorjynymyz kóp. Qazaq halqy da sondaı tarıhqa baı, mádenıetke eshqashan kende bolmaǵan halyq dep oılaımyn. Al mádenıetterdiń jaqyndasýy degen sharanyń mańyzy óte zor. Alǵashqy jıyn bolǵan soń árıne, odan kóp nárseni kútemiz. Eń aldymen, ol tek jaqsy sheshimder qabyldanatyn, mańyzdy máseleler kóteriletin basqosý bolsa eken deımin. Bul shara bir jaǵynan, búkil álemdi mádenıet, tarıh, fılosofııa arqyly biriktirýge arnalsa, ekinshi jaǵynan, bolashaqta jer júzinde soǵys, áskerı qaqtyǵystardy boldyrmaý úshin jasalyp jatqanǵa uqsaıdy.
– Demek, siz mádenıetter tek tarıh, fılosofııa, óner, bilim arqyly ǵana jaqyndasady dep oılaısyz ba? Basqa joldary joq pa?
– Basqa joldary joq dep úzildi-kesildi aıtýǵa bolmas. Degenmen, gýmanıtarlyq ǵylymnyń jóni bólek. Munda tarıh, bilim, óner, mádenıettiń bári-bári bar. Meniń oıymsha, mádenıetterdiń halyqaralyq jaqyndasýynyń onjyldyǵy degen shara osy maqsatta da ótkiziletin bolady. Iаǵnı biz tarıhymyzdy, mádenıetimizdi zerttep, bir-birimizge aǵaıyn, jaqyn adam bolsaq, erteńgi kúni bir-birimizge senimmen qarap, alaýyzdyqqa jol bermeımiz. Sharanyń negizgi maqsaty osy dep bilemin.
Áńgimelesken,
Dastan KENJALIN,
«Egemen Qazaqs