Qazaqstanda koronavırýsty juqtyrǵan jaǵdaılar tirkelip, onyń sany artqan saıyn halyqty alańdatqan saýaldar da kóbeıgen. Aıtalyq, buryn 1406 biryńǵaı baılanys ortalyǵy kúnine shamamen 1500-2000 telefon qońyraýyn qabyldap kelse, búginde bul kórsetkish kúnine 6 myńǵa ósken.
«Áleýmettik medısınalyq saqtandyrý qory» KEAQ jurtshylyqpen baılanys departamentiniń habarlaýynsha, biryńǵaı baılanys ortalyǵynyń operatorlary koronavırýstyq juqpasy qalaı juǵatynyn, onyń alǵashqy belgileri men juǵý joldary jóninde halyqqa tolyqqandy aqparat berýge daıyn. Olar jurtshylyqqa durys keńes berý úshin jáne indettiń aldyn alý men órshý jaǵdaılaryn boldyrmas úshin arnaıy daıyndyqtan ótken.
Endi turǵyndar kókeıin kúpti etken saýaldardy 1406 biryńǵaı baılanys ortalyǵynyń operatorlaryna ǵana emes, Qoldau 24/7 mobıldik qosymshasyna da joldaı alady. Joldanǵan ár suraqqa tirkeý nómiri beriledi. Budan keıin jeke kabınetke kirip, oǵan berilgen jaýapty qaraýǵa bolady.
Qymbat Toqtamurat