Máskeýdegi Halyq sharýashylyǵy jetistikteri kórmesiniń pavılonynda qazaq halqynyń kórnekti qoǵam jáne memleket qaıratkeri Álıhan Bókeıhanovtyń 160 jyldyǵyna oraı bıýst ashyldy. Bul – ult kósemine kórsetilgen qurmettiń aıqyn kórinisi, dep habarlaıdy Egemen.kz.
Qazaqstannyń Reseıdegi elshisi Dáýren Abaev óz sózinde Á. Bókeıhanovtyń Reseı ımperııasy Memlekettik Dýmasynyń jumysyna qatysyp, qazaq pen basqa da baıyrǵy halyqtardyń múddesin qorǵaǵanyn atap ótti. Elshi sondaı-aq onyń murasynyń qazirgi kúni Qazaqstan men Reseı arasyndaǵy strategııalyq áriptestik qaǵıdalarynda kórinis tabatynyn aıtty.
«Sýsaǵannyń túsine sý kiredi»: Álıhan Bókeıhanov qazaq qoǵamynyń saıası beınesin qalaı sıpattady?
Bıýstti ornatýǵa bastamashy bolǵan otandyq kásipker Janbolat Nadyrovqa alǵysyn bildirgen elshi bul is-sharany «qos halyqtyń ortaq tarıhyna qurmet kórsetý» dep sıpattady. J. Nadyrov óz sózinde Bókeıhanovtyń ómiri men qyzmeti urpaqqa úlgi bolatynyn aıtyp, Máskeýge keletin Qazaqstan azamattary endi ataqty jerlesimizge qurmet kórsete alatynyn jetkizdi.
Qazaqstandyq pavılonnyń basshysy Tamara Babakova da kásipkerdiń pikirin qoldap, kórme kelýshileri úshin bıýst ótken, qazirgi jáne bolashaq kezeń arasyndaǵy baılanystyń sımvolyna aınalatynyn atap ótti.
Álıhan Bókeıhan nemese baqsylar qoryqqan bala
Is-sharaǵa qatysqan Álıhan Bókeıhanovtyń nemere inisi, professor Nurym Bókeıhanov Alash arysynyń qazaq halqy úshin sińirgen eńbekterin eske aldy. Ol Bókeıhanovtyń bastamasymen Abaı Qunanbaıulynyń barlyq óleńderiniń jınaqtalǵanyn, sondaı-aq alǵash abaıtanýshy retinde aqynnyń murasyn halyqqa jetkizgenin aıtty.
Álıhan Bókeıhannyń týǵanyna – 160 jyl: Astanada Alash ardaqtylaryna taǵzym etildi