Qazaqstanda turǵyn úıdi jaldaý aqysynyń 50 paıyzyn memleket esebinen jabý baǵdarlamasyna mańyzdy ózgerister engizildi. Jańa erejelerdiń maqsaty – zańsyz qosalqy jaldaý men jalǵan turý faktilerine tosqaýyl qoıý, dep habarlaıdy Egemen.kz.
2022 jyldan beri jumys istep kele jatqan bul baǵdarlama jyl saıyn 10 myńǵa jýyq otbasyǵa qoldaý kórsetip keledi. Alaıda, 12 shildeden bastap talaptar aıtarlyqtaı qatańdatylady.
Kimder qatysa alady?Sýbsıdııa alý quqyǵy tek tórt sanattaǵy azamattarǵa beriledi:
Kópbalaly otbasylar; Jetim balalar; I jáne II toptaǵy múgedektigi bar jandar; Múgedektigi bar bala asyrap otyrǵan otbasylar.Basty talap – otbasynyń ár múshesine shaqqandaǵy tabys 1 eń tómengi kúnkóris deńgeıinen (2026 jyly – 50 851 teńge) aspaýy tıis. Mysaly, 5 adamnan turatyn otbasynyń aılyq tabysy 254,2 myń teńgeden joǵary bolmaýy kerek.
Turǵyn úı kezegindegi túıtkil rettelip keledi
12 shildeden bastap ne ózgeredi?О́tinim berýden bastap, tekserýge deıingi barlyq prosess onlaın formatqa kóshedi. Málimetter memlekettik bazalar arqyly avtomatty túrde tekserilip, árbir áreket júıede tirkeledi.
Sondaı-aq ákimdik ókilderi ár toqsan saıyn páterlerdi aralap, tekserý júrgize alady. Olar:
Sýbsıdııa alýshynyń sol mekenjaıda naqty turyp jatqanyn; Páterde bógde adamdardyń joqtyǵyn; Erejege qaıshy áreketterdiń oryn almaýyn baqylaıdy.Aıta keteıik, eger páterde bógde adamdar turyp jatqany anyqtalsa, jaǵdaıdy túzetýge 3 kún ýaqyt beriledi. Eger buzýshylyq joıylmasa nemese qaıtalansa – sýbsıdııa tóleý toqtatylady jáne baǵdarlamaǵa qaıta qatysý quqyǵynan aıyrylady.
Qazaqstanda jaldamaly turǵyn úıdi bólý ýaqytsha toqtatyldy
Burynǵysha jaqyn týystardan, jubaıynan (tipti burynǵy jubaıynan da) páter jaldaýǵa bolmaıdy. Endi mundaı fakt anyqtalsa, kómek dereý toqtatylyp, ony qalpyna keltirý múmkin bolmaıdy.
Baǵdarlamanyń operatory – «Otbasy bank». О́tinimder kez kelgen ýaqytta otbasybank.kz saıty arqyly qabyldanady. Kelisimshart úsh tarap (bank, jalǵa alýshy jáne úı ıesi) arasynda jasalady.
Jastarǵa arnalǵan jalǵa beriletin turǵyn úı baǵdarlamasy toqtatylady