О́mir boıy regress tólemderin tek bıýdjetten qarjylandyrý múmkin emes, sondyqtan aralas model qarastyrylyp jatyr. Bul týraly Eńbek jáne halyqty áleýmettik qorǵaý mınıstri Askarbek Ertaev Úkimette ótken brıfıngte málimdedi, dep jazady Egemen.kz.
Mınıstrdiń aıtýynsha, regress tólemderi máselesi jıi kásipodaqtar tarapynan kóteriledi, osy maqsatta arnaıy jumys toby qurylyp, ómir boıy tólemderdi qamtamasyz etý joldary talqylanyp jatyr.
«Barlyǵyn tek bıýdjetten tóleý múmkin emes. Munda saqtandyrý kompanııalary, jumys berýshiler jáne zeınetaqy qory qatysýy tıis. Árıne, bıýdjet te aralasýy kerek. Biz dál osy aralas modeldi usynyp otyrmyz», dedi Askarbek Ertaev.
Mınıstr sondaı-aq jumys berýshiler men saqtandyrý kompanııalary balama usynystaryn daıyndaý úshin qosymsha ýaqyt suraǵanyn aıtty. Birinshi kezdesý kásipodaqtar, jumys berýshiler jáne saqtandyrý kompanııalary arasynda ótti, ekinshi kezdesý osy aptada josparlanǵan.
Jumyssyzdyq boıynsha tólem merzimi 4 aıǵa deıin qysqarady
Saqtandyrý kompanııalary men jumys berýshilerdiń esepteri aı sońyna deıin usynylýy tıis. Eńbek mınıstrliginiń dereginshe, «Atameken» Ulttyq kásipkerler palatasy sońǵy esep nusqasyn daıyndaǵan, alaıda vedomstvoǵa áli túspegen.
Jumys toby keıin bul máseleni Úkimet deńgeıine shyǵaryp, birtutas sheshim qabyldaýdy qarastyrady, ázirge naqty kelisim joq.
Regress tólemderi – qyzmetkerge eńbek mindetterin oryndaý barysynda (óndiristik jaraqat nemese kásiptik aýrý) kelgen densaýlyqqa zııan úshin tólenetin qarjylyq ótemaqy.
Eske salaıyq, buǵan deıin Qazaqstanda eńbek ótiline baılanysty erte zeınetke shyǵýdy engizý usynylǵan.