Ishki ister mınıstrligi «Zań men Tártip» qaǵıdatyn iske asyrý sheńberinde halyqaralyq esirtki tasymaly arnalarynyń jolyn kesý boıynsha arnaıy is-sharalar júrgizip jatyr, dep habarlaıdy Egemen.kz.
Qazaqstan jáne Qyrǵyzstan Ishki ister mınıstrlikteri tyǵyz ózara is-qımyl men shekara mańy yntymaqtastyǵy sheńberinde, apıyn tobyna jatatyn esirtki zattaryn jetkizýdiń syrtqy transulttyq arnasynyń jolyn kesti.
IIM esirtki qylmysyna qarsy is-qımyl komıtetiniń basqarma bastyǵy Baqytjan Ámirhanovtyń aıtýynsha, birlesken arnaıy operasııa barysynda Shymkent qalasynda Qazaqstannyń eki azamaty ustalyp otyr.
«Olardan shamamen 5 keli aýǵandyq apıyn esirtki zaty tárkilendi. Atalǵan fakti boıynsha Qylmystyq kodekstiń 297-babynyń 3-bóligine sáıkes sotqa deıingi tergep-tekserý bastaldy. Kúdiktiler ýaqytsha ustaý ızolıatoryna qamaldy. Qazirgi ýaqytta olardyń áreketterine esirtki kontrabandasy jáne transulttyq uıymdasqan qylmystyq topqa qatysý belgileri boıynsha qosymsha quqyqtyq baǵa berý máselesi qarastyrylyp jatyr», dedi B. Ámirhanov.
Bir keli esirtki jutqan: Qazaqstanǵa apıyn ótkizbek bolǵan sheteldik ustaldy