1 maýsymda elimizdiń basym bóliginde qubylmaly aýa raıy kútiledi. Sınoptıkterdiń boljaýynsha, birqatar óńirde jańbyr jaýyp, naızaǵaı oınaıdy, keı jerlerde burshaq túsip, ekpindi jel soǵady. Al ońtústik aımaqtarda aýa temperatýrasy +40°C-qa deıin kóteriledi, dep jazady Egemen.kz.
Astanada qubylmaly bultty aýa raıy qalyptasyp, azdaǵan jańbyr jaýady, naızaǵaı oınap, burshaq túsýi múmkin. Jeldiń jyldamdyǵy 9-14 m/s, kúndiz ekpini 15-20 m/s-qa jetedi. Aýa temperatýrasy túnde +18...+20°C, kúndiz +28...+30°C bolady.
Almatyda jaýyn-shashynsyz kún raıy saqtalady. Túnde +20...+22°C, kúndiz +33...+35°C ystyq bolady. Shymkentte qysqa merzimdi jańbyr jaýyp, naızaǵaı kútiledi. Kúndiz aýa temperatýrasy +35...+37°C-qa deıin kóteriledi.
Qazaqstanda jaz aılarynda aýa raıy qandaı bolady? Sınoptıkter boljamy
Ońtústik óńirlerde aptap ystyq saqtalady. Qonaevta kúndiz +36...+38°C, Tarazda +35...+37°C, Qyzylordada +34...+36°C bolady. Al Túrkistanda aýa temperatýrasy +38...+40°C-qa deıin jetip, óńirdegi eń joǵary kórsetkishterdiń biri tirkelmek.
Batys Qazaqstan oblysynyń ortalyǵy Oralda jańbyr jaýyp, naızaǵaı oınaıdy. Sonymen qatar burshaq pen daýyl kútiledi. Kúndizgi temperatýra +16...+18°C shamasynda bolady. Aqtóbede de jańbyr jaýyp, aýa temperatýrasy +17...+19°C-tan aspaıdy. Atyraýda jańbyr men naızaǵaı boljanǵan.
Soltústik óńirlerde de turaqsyz aýa raıy saqtalady. Petropavlda bultty bolyp, jańbyr jaýady, naızaǵaı oınaıdy. Jeldiń ekpini túnde 15-20 m/s-qa deıin kúsheıip, keı ýaqytta 25 m/s-qa jetýi yqtımal. Kókshetaýda túnde jańbyr men naızaǵaı kútiledi. Qostanaıda jaýyn-shashynsyz kún raıy boljanǵan.
Ortalyq jáne shyǵys óńirlerde kún qubylmaly bolady. Jezqazǵan, Qaraǵandy jáne Pavlodar qalalarynda jańbyr jaýyp, naızaǵaı oınaıdy. Al Semeı men О́skemende jaýyn-shashynsyz aýa raıy saqtalady. Taldyqorǵan men Aqtaýda da jaýyn-shashyn kútilmeıdi.
Eske salaıyq, jalpy mamyr aıynda aýa raıy qubylmaly boldy.