Astanada kópqabatty úıdiń terezesinen qulaǵan bala kóz jumdy. Qaıǵyly jaǵdaı N.Tlendıev kóshesi, 44A mekenjaıyndaǵy turǵyn úı keshenderiniń birinde bolǵan, dep habarlaıdy Egemen.kz.
Oqıǵa ornyna jedel járdem brıgadasy kelgenimen, balany aman alyp qalý múmkin bolmady. Dárigerler onyń alǵan jaraqattary aýyr ekenin habarlady. Qazirgi ýaqytta oqıǵanyń naqty sebepteri anyqtalyp jatyr.
Qalalyq polısııa departamentiniń málimetinshe, 2026 jyldyń basynan beri mundaı eki jaǵdaı tirkelgen, onyń bireýi ólimmen aıaqtalǵan. Mamandardyń aıtýynsha, mundaı oqıǵalar kóbine 1 men 6 jas aralyǵyndaǵy balalar arasynda bolady. Negizgi sebepter – ata-analardyń qaraýynsyz qaldyrý, terezelerde qorǵanys quraldarynyń bolmaýy jáne moskıt torlaryna shamadan tys sený.
Eske salaıyq, 20 sáýir kúni Astanada 18 jastaǵy jigit turǵyn úı kesheniniń shatyryna shyǵyp, sekirmek bolǵan. Oqıǵa ornyna arnaıy qyzmetter men psıhologtar kelip, ony aman alyp qaldy.