Qaraǵandy qalasynyń Oktıabr aýdanynda, oblystaǵy Jezqazǵan, Temirtaý jáne Balqash qalalaryna kireberis joldarda, sondaı-aq, Nura aýdanynda sanıtarlyq beketter uıymdastyrylǵanyn munyń aldyndaǵy aqparattyń birinde aıtqan bolatynbyz.
Mysty qalanyń kireberis qaqpasynda ornalasqan osyndaı bekettiń jumysy kesheden beri qarbalas júrip jatyr.
– Jezqazǵanǵa negizinen Nur-Sultan qalasynan avtokólikter kóp kelip jatyr. Biz júrgizýshilerdiń qyzýyn tekseremiz. Ázirge kúdik týdyratyn oqıǵalar bola qoıǵan joq, – deıdi brıgada múshesi, jergilikti №1 ODA-nyń qyzmetkeri.
Sanıtarlyq bekette tórt adam táýlik boıy kezekshilik qyzmet atqarady. Brıgada quramynda medısınalyq qyzmetkerler, polısııa ókilderi jáne taýarlar men kórsetiletin qyzmetterdiń sapasy men qaýipsizdigin baqylaý departamentiniń mamandary bar. Olar qalaǵa kelgen avtokólikterdiń barlyǵyn toqtatyp, azamattardy koronavırýstyq ınfeksııa belgileri boıynsha tekserýden ótkizedi. Qajet bolǵan jaǵdaıda dezınfeksııalyq is-sharalardy júzege asyrady.