Beısenbi kúni Premer-Mınıstr Serik Ahmetovtiń tóraǵalyǵymen eldiń agroónerkásip keshenin odan ári damytý máseleleri talqylanǵan selektorlyq rejimdegi keńes bolyp ótti, dep habarlady Premer-Mınıstrdiń baspasóz qyzmeti.
Beısenbi kúni Premer-Mınıstr Serik Ahmetovtiń tóraǵalyǵymen eldiń agroónerkásip keshenin odan ári damytý máseleleri talqylanǵan selektorlyq rejimdegi keńes bolyp ótti, dep habarlady Premer-Mınıstrdiń baspasóz qyzmeti.
Oǵan memlekettik organdardyń, iri aýylsharýashylyq qurylymdarynyń, agrarlyq assosıasııalar men odaqtardyń basshylary, ǵylymı orta ókilderi qatysty.
AО́K-ti damytý jónindegi jańa «Agrobıznes-2020» baǵdarlamasyn júzege asyrý jumystary bekitilgen josparlar sheńberinde júrgizilýde, dedi Úkimet basshysy. Ol 2013 jyldyń uıymdastyrý jyly bolyp tabylatynyn, zaımdardy kepildendirý men saqtandyrý, ınvestısııalyq sýbsıdııalar, satyp alý baǵalaryn kepildendirý sııaqty memlekettik qoldaýdyń jańa tetikteri qoldanystaǵy zańnamalarǵa tıisti ózgertýler engizilgennen keıin, 2014 jyldan bastap jumys isteıtin bolady, dep atap ótti ol.
Saladaǵy jaǵdaı, jańa «Agrobıznes-2020» salalyq baǵdarlamasynyń oryndalý barysy, onyń tetikteri men quraldary týraly Aýyl sharýashylyǵy mınıstri Asyljan Mamytbekov baıandady. Ol AО́K-ke memlekettik qoldaý kólemin 4,5 ese arttyrý qarastyrylyp jatqanyn, ony júzege asyrý kezeńinde salaǵa 10 trıllıon teńgeden kem emes jeke qarjylar tartylatynyn atap ótti.
Baǵdarlamanyń negizgi maqsatty ındıkatorlary qatarynda qarjylyq saýyqtyrý, taýarlardyń, jumystar men qyzmetterdiń AО́K sýbektileri úshin qoljetimdiligin arttyrý, AО́K sýbektilerin qamtamasyz etýdiń memlekettik júıesi damytý, salany memlekettik retteý júıesiniń tıimdiligin arttyrý sııaqty sharalar bar.
A.Mamytbekovtiń aıtýynsha, qarjylaı saýyqtyrý úshin mınıstrlik AО́K sýbektileriniń kredıttik jáne lızıngtik mindettemeleri boıynsha syıaqylarynyń stavkalaryn sýbsıdııalaý erejelerin bekitken, jergilikti jerlerde túsinik jumystary júrgizilip, anyqtamalar alý úshin call-centr ashylǵan (tel.8 800 080 7080). Mınıstr sondaı-aq, zaımdardy kepildendirý men saqtandyrýdy, sýbsıdııalaý erejeleriniń ózgerýin, normatıvtik-quqyqtyq bazanyń jetildirilýin de memlekettik qoldaýdyń jańa quraldary retinde atady.
Sol sııaqty, mınıstr veterınarlyq qaýipsizdikti qamtamasyz etý, AО́K salasynda memlekettik qyzmet kórsetýlerdi damytý jónindegi sharalar týraly da habarlady. On bir qyzmetti avtomattandyrý josparlanýda, qyzmet kórsetýdiń normatıvtik merzimderi 60-tan 15 jumys kúnine deıin nemese 25 paıyzǵa, qujattardyń normatıvtik sany 12-den 4-ke deıin nemese 33 paıyzǵa qysqaratyn bolady dedi A.Mamytbekov. Onyń aıtýynsha, aýyl sharýashylyǵynyń árbir kishi salalaryn damytý boıynsha kórsetkishterdi jyldarǵa jáne oblystar boıynsha bóle otyryp 15 sheberlik-jospar ázirlengen. Qujattar kelisim alý úshin oblys ákimderine jiberilgen.
Keńeste, sondaı-aq, «Ivolga-Holdıng» JShS basshysy V.Rozınov, «Zarechnyı» JShS basshysy V.Dvýrechenskıı, «Ijevskoe» О́K basshysy I.Janǵorazov, «Aktep» О́K basshysy Sh.Saǵynalıev, «Turar» О́K basshysy K.Ospanov, «Prokop» О́K basshysy G.Prokop, «Qazaqstannyń Qus ósirýshileri odaǵy» zańdy tulǵalar birlestiginiń basshysy R.Sharıpov, «Qazaq maqta assosıasııasy» zańdy tulǵalar birlestiginiń tóraǵasy S.Baqtybaev, «Qazaqstan Fermerleri odaǵynyń» vıse-prezıdenti A.Abdýkalımov, Ulttyq ǵylym akademııasynyń akademıgi Ǵ.Qalıev sóz sóıledi.
Keńes qorytyndysynda Úkimet basshysy «Agrobıznes-2020» baǵdarlamasynyń Qazaqstannyń aýyl sharýashylyǵy salasyn júıeli damytýdaǵy mańyzyn aıta kelip, baǵdarlama jobasynyń bir jyl boıy aýylsharýashylyq taýar óndirýshileriniń jáne agrarlyq qaýymdastyqtyń qatysýymen talqylanǵanyn jáne oǵan Memleket basshysynyń qoldaý bildirgenin atap kórsetti.
Úkimetke AО́K-ti damytý máseleleri jónindegi osy salamen aınalysyp júrgen barsha jurttyń, kásipqoılardyń pikirlerin bilýdiń mańyzy zor. Búgin qyzyqty usynystar aıtyldy, biz olardy qarastyryp, tıisti sharalar qabyldaıtyn bolamyz, dedi Premer-Mınıstr.
Úkimet basshysy birqatar usynystar men eskertýlerge túsinik bere otyryp, aýylsharýashylyq ónimderin qaıta óńdeýdi damytý máselelerine nazar aýdardy. AО́K-tegi iri bıznes óńdeýshi salany óziniń qanatynyń astyna alýy tıis, ol úshin barlyq qajetti jaǵdaılar jasalýda, olar agroónerkásip óndirisiniń kóptegen perspektıvaly baǵyttaryn qamtıtyn baǵdarlamada qarastyrylǵan, dedi osyǵan oraı S.Ah metov.
Úkimet basshysy baǵdarlamany júzege asyrýdyń naqty mehanızmderine engizý úshin aıtylǵan barlyq usynystarǵa taldaý jasap, olardy paıdaǵa asyrý jóninde tapsyrma bere otyryp, onyń tabysty júzege asatynyna, bútindeı alǵanda eldiń agroónerkásip kesheniniń nyǵaıa túsetinine senim bildirdi.