Premer-mınıstrdiń orynbasary Eraly Toǵjanov Úkimette ótip jatqan brıfıngte keıbir derekkózde kórsetilgen qaza bolǵandar týraly aqparatty joqqa shyǵardy.
«Koronavırýs ınfeksııasy álemniń 160 eline taraǵany belgili. Elimizde 49 jaǵdaı tirkeldi. Nur-Sultan qalasy boıynsha – 25, Almaty qalasy boıynsha – 22, Qaraǵandy oblysynda 2 naýqas anyqtaldy. Búgin keıbir aqparat kózderinde ólim týraly málimet kezdesti. Qazir shegelep aıtqym keledi, respýblıkada eshqandaı ólim jaǵdaıy joq»,- dedi Premer-mınıstrdiń orynbasary Eraly Toǵjanov.
Sondaı-aq ol elde qabyldanǵan sharalar vırýstyń elimizdiń óńirlerine tarap ketýin toqtatý úshin jasalyp jatqanyn atap ótti.