Vırýs juqtyrǵandardyń jalpy sany 6-ǵa jetti. Bul týraly Qyrǵyzstannyń Densaýlyq saqtaý mınıstri Kosmosbek Cholponbaev málimdedi.
«Vırýs juqtyrǵandar kishi qajylyqtan kelgen azamattar. Olar qazir Nookat juqpaly aýrýlar aýrýhanasynda arnaıy bokstarda jatyr. Qazir olarmen baılanysqa túsken adamdar anyqtalýda», dedi Kosmosbek Cholponbaev.
Onyń aıtýynsha, qazir Qyrǵyzstanda indet juqtyrǵandardyń sany 6-ǵa jetken.
Eske sala keteıik, buǵan deıin Qyrǵyzstanda tirkelgen alǵashqy úsh jaǵdaı jaıynda habarlaǵan bolatynbyz.
Belgili bolǵandaı, 12 naýryz kúni Saýd Arabııasynan kishi qajylyqtan kelgen azamattar Djalal-Abad oblysy Sozaq aýdanynyń turǵyndary. Qazir olar Djalal-Abad oblysynyń juqpaly aýrýlar aýrýhanasynda jatyr. Saýd Arabııasynan kelgen reıste barlyǵy 144 jolaýshy bolǵan. Onyń ishinde eki adam О́zbekstanǵa ketip qalǵan. Qalǵan azamattar karantınge oqshaýlandy. Budan bólek jalpy 300-den astam adam qazir karantınde jatyr.