Elorda ákimdigi ornatylǵan beketterdegi tirkeý ýaqytyn aıtarlyqtaı qysqartý jáne kóshi-qon aǵyndaryn baqylaý maqsatynda «Sergek:blokpost» mobıldi qosymshasyn daıyndady. Qosymsha polısııa qyzmetkerleriniń planshetterine ornatyldy. Bul týraly qala ákimdiginiń baspasóz qyzmeti habarlady.
Kólikter men eldi-mekender arasynda qatynaıtyn adamdarǵa tolyq monıtorıng júrgiziledi. Máselen, qosymsha avtokóliktiń qaı qaladan, qashan jáne qansha adammen shyqqanyn kórsetedi. Sonymen qatar, qosymshaǵa qalanyń tynys-tirshiligin qamtamasyz etetin mekemelerde (JEO, kommýnaldyq qyzmetter, TJD) jumys isteıtin qyzmetkerlerdiń derekteri júkteldi. Qyzmetkerler jumystan úıge qatynaı alady. Qalaǵa azyq-túlik pen qajetti taýarlardy tasymaldaýǵa esh kedergi joq.
«Jasyl dáliz» júıesi jumys isteıdi. Júrgizýshiler men ekspedıtorlardyń maskalary, taýarǵa ilespe qujattary, jeke kýálikteri, tehpasport sııaqty qujattary bolýy tıis. Kóliktiń qalaǵa kelý jáne qaladan shyǵý ýaqyty belgilenedi. Marshrýttan aýytqýǵa jol berilmeıdi. Árbir kólik «Sergek:blokpost» qosymshasynda onlaın-rejımde baqylanady.