Qorǵanys mınıstrliginiń əskerı qyzmetshileri ózderiniń bir kúndik jalaqylaryn koronavırýspen kúresý úshin qurylǵan qorǵa aýdardy. Qarjylaı kómekti aýdarý sheshimi erikte túrde qabyldandy. Bul týraly mınıstrliktiń baspasóz qyzmeti habarlady.
Qarýly Kúshteriniń jeke quramy Elbasy Nursultan Nazarbaev pen Qazaqstan Respýblıkasynyń Prezıdenti Qasym-Jomart Toqaevtyń ıdeıasyn biraýyzdan qoldap, osylaısha armııanyń ınfeksııanyń taralýyna qarsy kúreste barlyq múmkin bolatyn kómek berýge daıyn ekendigin taǵy bir márte kórsetti. О́zderińiz biletindeı, Qazaqstannyń tuńǵysh prezıdenti, Ulttyq qaýipsizdik keńesiniń basshysy Nursultan Nazarbaev qazaqstandyqtarǵa úndeý tastap, «qaýip-qaterge qarsy bir memlekettiń kúsh-jigeri jetkiliksiz, sondyqtan árbir azamat óz úlesin qosýy kerek»,- dep usynys jasady.
Sondaı-aq qarajat jınaý úshin respýblıkalyq qor qurý usynyldy. Qazirgi tańda bul ıdeıany Elbasy keńsesi qyzmetkerleri men Qazaqstan Parlamenti Senatynyń depýtattary qoldady.