Azamattardyń bas amandyǵyn qamtamasyz etý maqsatynda Qorǵanys jáne Syrtqy ister mınıstrlikteri qyrǵyz tarapymen birlese qazaqstandyq balalardy elge qaıtardy.
Olar aıyr qalpaqty aǵaıyndar otanynda emdelip júrgen, alaıda qazirgi ahýalǵa baılanysty keri qaıtyp úlgermegen. Bul týraly QR SIM baspasóz qyzmeti habarlady. «Memleket qıyn jaǵdaıǵa tap bolǵan óz azamattaryna qashan da qol ushyn sozýǵa ázir. Erekshe dıagnozy bar bul órenderdi Qazaqstanǵa jetkizý úshin arnaıy tasymal túri kerek boldy», – delingen aqparatta.