Nur Otan partııasy men Jas Otan jastar qanatynyń belsendileri kóp balaly jáne az qamtylǵan otbasylarǵa, sondaı-aq erekshe qajettilikteri bar azamattarǵa jáne jalǵyz basty zeınetkerlerge kómek kórsetýdi jalǵastyrýda. Aksııa Qazaqstannyń barlyq aımaqta, sonyń ishinde elorda jáne Almaty qalasy mańyndaǵy eldi mekenderde ótýde. Máselen, búginde 720 otbasy ataýly kómek aldy. Jas Otan JQ jetekshisi Elnur Beısenbaevtyń aıtýynsha, eriktiler kún saıyn 400 úıge barady.
«Áleýmettik jaǵynan osal 10 myńǵa jýyq otbasy partııadan qaıyrymdylyq jıyntyǵyn alady. Qazir karantın kezinde úıden erekshe sebeptersiz shyǵýǵa bolmaıdy. Sondyqtan bizdiń volonterlerimiz 2 apta ishinde olardy barlyq qajettiliktermen qamtamasyz etýge tyrysady. Munda jarma, makaron, kúrish, maı, mindetti túrde medısınalyq maskalar, antıseptıkter sekildi zattar qamtylǵan. Sonymen qatar biz koronavırýstyń aldyn alý boıynsha qajetti aqparaty bar jadynamalardy da taratamyz», dedi Elnur Beısenbaev.
Buǵan deıin partııa lıderi Nursultan Nazarbaev Nur Otan partııasyna «Kedergisiz keleshek», «Baqytty otbasy» jáne «Ardagerlerdi ardaqtaıyq» partııalyq jobalary sheńberinde muqtaj qazaqstandyqtarǵa ataýly kómek kórsetý úshin 150 mln teńge bólýdi tapsyrdy. Bul qarajatqa partııalyqtar men Jas Otan volonterleri halyqtyń áleýmettik osal toptaryna baılanyssyz jetkizýi úshin medısınalyq maskalar, antıseptıkalyq quraldar jáne basqa da birinshi qajettiliktegi taýarlardy satyp aldy. Sonymen qatar partııanyń Ortalyq apparaty pen fılıaldarynyń qyzmetkerleri osy qajettilikterge ózderiniń bir kúndik jalaqysyn aýdarǵan bolatyn.
О́ńirlerdegi partııa músheleri de syrt qalǵan joq. Mysaly, Shymkent qalasynyń kásipkeri Qaırat Moldaseıitov karantın jaǵdaıynda halyqtyń áleýmettik osal toptaryna kómek kórsetýge 20 mln teńge bóldi. Onyń bastamasyn qaraǵandylyq kásipker, Nur Otan múshesi Ǵabdolla Dúısenbaev qoldady. Ol ekspress-test satyp alý úshin qaıyrymdylyq kómek retinde 5 mln teńge aýdardy.
Nur Otan partııasy Almaty qalalyq fılıaly da qazaqstandyqtardy qoldaý kórsetýge shaqyrdy. Nurotandyqtar demeýshilik kómek kórsetkisi keletin azamattarǵa arnaıy shot ashty.
Kómek jiberý úshin derektemeler:
«Jańa Alataý» qoǵamdyq qory
STN 600 300 567 791
BSN 080 740 011 034
JSK № KZ826 010 131 000 165 601
«Qazaqstan Halyq Banki» AQ
BIK HSBKKZKX
KBE 18 TTK 119
Telefon: 8 (727) 396-74-20