Búgingideı syn sátte jomarttyq tanytyp, indetke qarsy kúreske septigin tıgizip jatqan kásipkerler qatary arta túsýde. Túrkistan oblysyndaǵy «Qaıyp ata» JShS-niń dırektory Syrym Ertaev Elbasy Úndeýin qoldap, «Biz birgemiz!» aksııasy aıasynda óz qarajaty esebinen arnaıy qorǵa 10 mıllıon teńge aýdardy.
«Nur Otan» partııasynyń múshesi, buǵan deıin de birneshe otbasyǵa úı salyp berip, qaıyrymdylyǵymen tanylǵan kásipker indetke qarsy kúreste elge kómektesýdi azamattyq, perzenttik paryzy dep sanaıdy. «Elbasy Nursultan Nazarbaev óz Úndeýinde kásipkerlerge mańyzdy oı tastady. Prezıdentimiz Qasym-Jomart Kemeluly «Biz árqaısymyz óz mindetimizdi jaýapkershilikpen oryndasaq, bul qıyndyqtan tezirek shyǵamyz», dedi. Endeshe ár azamat tótenshe jaǵdaıdaǵy erejeni saqtap, resmı ókilder men dárigerlerdiń eskertpelerin oryndaǵany jón. Biz birigip, bul qıyndyqty da jeńip shyǵamyz», deıdi Syrym Ertaev.
Túrkistan oblysy