Indettiń taralýyna jol bermeý maqsatynda halyqqa qyzmet kórsetý ortalyqtarynyń jumysy ýaqytsha toqtatyldy. Memleket basshysy Qasym-Jomart Toqaev eldegi tótenshe jaǵdaıǵa baılanysty ótkizilgen komıssııa otyrysynda osyndaı tapsyrma bergen bolatyn.
Búgingi tańda qazaqstandyqtarǵa memlekettik qyzmetterdiń 80 prosenti «Elektrondyq úkimet» portaly arqyly qoljetimdi, sondaı-aq qajetti anyqtamalardy eGov Mobile mobıldik qosymshasy jáne «Telegram»-daǵy egovkzbot 2.0 boty arqyly alýǵa bolady. Bir ýaqytta baılanys ortalyǵynyń mamandary myńnan astam azamatqa keńes bere alady dep josparlanýda.
– Avtokólik ıeleri kólikti qaıta tirkegen nemese júrgizýshi kýáligin onlaın túrde aýystyrǵanda daıyn qujattary men nómirlerdi óz qalalaryndaǵy mamandandyrylǵan halyqqa qyzmet kórsetý ortalyqtarynan ala alady. Daıyn qujattardy berý terezesi jumys isteıdi. Bul tek daıyn qujattardy alýǵa ǵana jasalǵan shara. Qalǵan qyzmet túri elektrondy qyzmet arqyly rásimdeledi,–deıdi «Azamattarǵa arnalǵan úkimet» memlekettik korporasııasy oblystyq fılıaly dırektorynyń orynbasary Nurbek Qaıyrjanov.
Sıfrlandyrý júıesiniń jetistigi el kádesine jarap-aq tur.
Aqmola oblysy