Oblys ortalyǵynda koronavırýs indetiniń aldyn-alý maqsatynda barlyq saqtyq sharalary jasalýda. Kópshilik júretin oryndar dezınfeksııalandy.
Qala ákimdigi janyndaǵy «Kókshe-vetservıs» kommýnaldyq mekemesi dezınfeksııalaý sharalaryn naýryzdyń 17-sinen bastaǵan. Olar búginge deıin oblys ortalyǵyndaǵy 253 aıaldamany zalalsyzdandyrdy.
– Kókshetaý qalasynyń qyryqtan astam aıaldamasyn bir kúnde dezınfeksııalaımyz. Jumysty sapaly júrgizý úshin dezınfeksııalaýǵa qajetti barlyq zattar bar. Tehnıkamyz saı, – deıdi «Kókshe-vetservıs» kommýnaldyq kásipornynyń dırektory Erkin Esilbaev.
Qalada kópqabatty 890 turǵyn úı kesheni bar. Kókshetaýdaǵy jeke páter ıeleri kooperatıvteri de podezderdi zalalsyzdandyrýda. Al qala ishindegi tas joldardy dezınfeksııalaý sharalary tıisti qural-jabdyqtar satyp alynǵan soń júrgiziledi.
KО́KShETAÝ