Almatyda koronavırýstyń budan ári etek jaımaýy úshin barlyq salada tártip kúsheıtilgeni belgili. Osy rette megapolıstegi taksı qyzmetiniń jumysyna da birqatar shekteýler qoıyldy.
Arnaýly mamandardyń habarlaýynsha, shaharda resmı túrde tirkelgen taksı qyzmetteri jumysyn jalǵastyra beredi. Tek olarǵa qoıylatyn sanıtarlyq talaptar kúsheıtilip otyr. Aıtalyq, arnaıy qyzmet kórsetetin jeńil kólikke eki jolaýshydan artyq adam otyrmaýǵa tıis.
– Arnaıy qyzmet kórsetetin jeńil kólikte júrgizýshini qosqanda, eki adamnan artyq jolaýshy bolmaýy kerek, jolaýshylar bir-birinen barynsha alshaq otyrýy úshin olar shahmat tártibimen (qıǵash) ornalasýy kerek. Jeńil kólikter jeke qorǵanys quraldarymen (medısınalyq maska jáne antıseptıktermen) qamtamasyz etilýi qajet. Júrgizýshi mindetti túrde maska taǵyp otyrýy tıis, – dep habarlady Almaty qalalyq taýarlar men qyzmetter sapasyn jáne qaýipsizdigin baqylaý departamenti.