Bul týraly Memlekettik komıssııanyń shuǵyl shtaby Telegram paraqshasynda habarlady.
Eýrazııalyq ekonomıkalyq komıssııa pandemııa kezinde birqatar ónimderdi eksporttaýǵa tyıym salýda. Jaqynda Máskeýde ótken EEK alqa otyrysynyń qorytyndysy boıynsha azyq-túlik taýarlarynyń jekelegen túrlerin EAEO elderinen shyǵarýǵa ýaqytsha tyıym salýǵa baǵyttalǵan sharalardyń «ekinshi toptamasyn» engizý týraly sheshim qabyldandy. Taýarlar tiziminde — pııaz, sarymsaq, shalqan, qara bıdaı, kúrish, qaraqumyq, tary, jarma, iri tartylǵan un, qaraqumyqtan jasalǵan daıyn tamaq ónimderi, usaqtalǵan jáne usatylmaǵan soıa burshaqtary men kúnbaǵys dáni bar. Olardy 30 maýsymǵa deıin shyǵarýǵa tyıym salynady. Tyıym salý elderdiń halqyn azyq-túliktiń jetkilikti qorymen qamtamasyz etýge múmkindik beredi. EAEO-ǵa Qazaqstan, Reseı, Belarýs, Armenııa jáne Qyrǵyzstan kiredi.