Búgin qala ákimi M. Áıtenov shtabtyń májilisin ótkizip, onda qala aýmaǵynda qaýipsizdik sharalaryn kúsheıtý, strategııalyq nysandardyń daıyndyǵyn arttyrý, mekeme qyzmetkerleri men turǵyndardyń qaýipsizdigin qamtamasyz etý máseleleri qaraldy.
Sonymen qatar, tólemderge baılanysty barlyq qujattardy qabyldaý jáne túsindirý jumystary elektrondy túrde júrgizilýi tıis. Sonymen qatar, tıisti mekemelerge kópshilikke úgit-nasıhat jumystaryn kúsheıtýdi tapsyrdy.
Karantınge deıin strategııalyq mańyzdy nysandarda jumys isteıtin mamandardy jumys berýshi óndiris aýmaǵynda eńbek etýine jaǵdaı jasaýy kerek. Ol úshin nysan aýmaǵynda arnaıy jataqhana jabdyqtap, qyzmetkerlerin sol jerlerge ornalastyrýyna bolady. Bul qurylys pen óndiristiń qajettiligine baılanysty. Degenmen birinshi kezekte kúsheıtilgen kúzet pen qaýipsizdikti saqtaý eskertildi.
Azyq-túlik dúkenderi men bazarlardaǵy saýda qatarlary sanıtarlyq normalar boıynsha jumys isteıdi.
Qala basshysy tıisti sala jetekshilerine blok-beketterdi kóbeıtý týraly tapsyrma berdi. Sondaı-aq, qaladaǵy «Sergek» beınekamerasy ahýaldyq ortalyqqa qosylyp, jaǵdaı sol kameralardyń kómegimen baqylaýǵa alynady.
Bekitilgen erejege sáıkes, qalaǵa eshkim kirip-shyqpaıdy. О́ıtkeni Shymkenttiń aýmaǵy úlken, halyq sany mıllıonnan asady. Sondyqtan jurt shoǵyrlanǵan jerde qaýip pen táýekel kóp.
Aıta keteıik, indetti juqtyrýy múmkin degen qaýpi bar azamattardyń barlyǵy tekserýden ótedi. Qalada zalalsyzdandyrý jumystary kúsheıtilip, qalyptasqan jaǵdaı turǵyndarǵa ýaqytyly habarlanady.
Shymkent