Elimizdegi tótenshe jaǵdaıdyń oryn alýyna baılanysty kirisin joǵaltqan azamattarǵa Memlekettik áleýmettik saqtandyrý qorynan jańa áleýmettik tólem taǵaıyndalǵany belgili. Endi bul áleýmettik tólemderge salyq salyna ma?
QR QM Memlekettik kirister komıteti áleýmettik tólem Memlekettik áleýmettik saqtandyrý qorynan júzege asyrylatynyn aıtady.
«Qazaqstan Respýblıkasynyń «Salyq jáne bıýdjetke tólenetin basqa da mindetti tólemder týraly» Kodeksin qoldanysqa engizý týraly» 2017 jylǵy 25 jeltoqsandaǵy № 121-VI QRZ Zańynyń 33-babynda baıandalǵan redaksııasynda qoldanylatyn Salyq kodeksiniń 341-baby 1-tarmaǵynyń 26) tarmaqshasyna sáıkes, jeke tulǵanyń salyq salynýǵa jatatyn tabystarynan Memlekettik áleýmettik saqtandyrý qorynyń áleýmettik tólemderi alynyp tastalady.
Demek, osy áleýmettik tólemder Memlekettik áleýmettik saqtandyrý qorynan tólenetindikten, jeke tulǵanyń kirisinen alynyp tastalady.
Iаǵnı, atalǵan áleýmettik tólemderge jeke tabys salyǵy salynbaıdy