Taýarlardy tasymaldaýda qıyndyq joq. Búgin qaladaǵy iri qoımalardy aralap shyqqan qala ákimi M. Áıtenov osylaı dedi.
Baǵany turaqtandyrý úshin 2020 jyly qordan 1,9 mıllıard teńge qarastyrylǵan. Murat Dúısenbekuly qajet bolǵan jaǵdaıda taǵy 800 mıllıon teńge bólýge bolatynyn jetkizdi. Turaqtandyrý qorynyń kólemi 2,2 mıllıard teńgeni quraıdy.
Qala ákiminiń bastamasymen Shymkentte azyq-túlik baǵasyn baqylaıtyn jedel jumysshy toby quryldy. Áleýmettik mańyzy bar 11 azyq-túlik taýarlarynyń baǵasyn turaqtandyrý úshin `Gramad Retail` JShS-men kelisimshart túzilgen. Saýda oryny óziniń ókildikterinde jyl sońyna deıin baǵany turaqty ustap turady.
О́ńirlik azyq-túlik taýarlary qoryn basqarý jónindegi komıssııa sheshimimen jalpy kólemi 9 250 tonna /un- 6000 tonna, qant-2000 tonna, kúnbaǵys maıy -250 lıtr, makaron ónimderi- 1000 tonna/turaqtandyrý qoryna jalpy kólemi 1,3 mıllıard teńge quraıtyn taýarlardy satyp ıntervensııa jasaý týraly sheshim qabyldanǵan.
Qala ákimi aldymen Shymkenttegi eń iri «Barys-2007» JShS qoımasyna bardy. Seriktestik qomalarynda 2-3 aıǵa jetetin qor bar . Atap aıtqanda un, Makaron ónimderi, tuz taǵy basqa tutyný taýarlary bar. «Barys-2007» JShS unnan birneshe túrli makaron ónimderin shyǵarady. Qazir qazetti shıkizattar bar. Seriktestik qosymsha 4 oblysqa ónimin jóneltedi. Tasymaldaý temir jol arqyly júrgizilip jatyr. Esh kedergi joq deıdi «Barys-2007» JShS bas dırektory Aıjan Naıymbetova. Tóraıym oǵan qosa seriktestiktiń ónimderdi burynǵy baǵada bosatyp jatqanyn atap ótti. Oǵan qosa satýyshlardy qysyl taıań kezeńde baǵany tym asyrmaı satýǵa shaqyrdy.
Shymkent