Búgin tańerteń Petropavldyń Sývorov kóshesindegi 256 úıden órt shyqqan. О́rt týraly habar «О́rt sóndirý qyzmetine» tańǵy saǵat jetide túsken. Dabylyn bezildetip, órtsóndirýshiler jetkende órttiń jalyny sýmańdap jatyr eken.
Jedel iske kirisken órtsóndirýshiler komandasynyń quramynda úsh mashına men 12 adam bolǵan. Bular Petropal órtsóndirýshileriniń №1 jáne №4 bólimderiniń jasaqshylary edi.
О́rt tez arada sóndirildi. Jalyn sharpyǵan aýmaqtyń kólemi 30 sharshy metr. Sonymen qatar 26 sharshy metrlik veranda men dúnıe múlikter órttengen. О́rt aýmaǵynan 3 gaz balony tabylǵan. О́rt sóndirýshiler olardyń jarylýyna jol bermeı, qaýipsiz jerge shyǵaryp úlgergen. Eger olar jarylǵan bolsa órttiń sharpıtyn aýmaǵy mańaıyndaǵy úılerge jetýi sózsiz edi.
О́rt tańǵy saǵat 8-den 10 mınýt ótkende tolyqtaı sóndirildi. Zardap shegip, ólgen nemese jaralanǵan adam joq. О́rttiń shyǵý sebepteri anyqtalýda.
PETROPAVL