Qaýipti indetpen kúreste eń aldyńǵy shepte júrgen mamandyq ıeleri – dárigerler. Sondyqtan olarǵa materıaldyq jáne rýhanı qoldaý kórsetý qoǵamǵa ortaq mindet. Almatylyq kásipkerler aq halatty abzal jandarǵa dárýmender jıyntyǵyn taratty.
«El basyna qıyndyq týǵan qysyltaıań kezde beıjaı qarap otyra allmadyq. Kúni-túni jumys istep jatqan dárigerlerimizge kómekteseıik dep sheshim qabyldadyq. Sondyqtan olarǵa sál de bolsa qýanysh syılaý úshin ónimderimizdi alyp shyqtyq. Jalpy bizdiń ónim belsendi adamdarǵa arnalǵan. Ishinde vıtamınder jıyntyǵy bir aıǵa jetkilikti» deıdi jekemenshik kompanııanyń bas dırektory Altynbek Mustafın.
Adam aǵzasyna asa qajet dárýmender jıyntyqtalǵan 100 qorapsha qalalyq klınıkalyq juqpaly aýrýlar aýrýhanasynyń dárigerlerine úlestirildi. Aıtýlarynsha, bul ónimder ımmýnıtetti jaqsartady, túrli vırýstardan qorǵap, deneni qalypqa keltiredi.
ALMATY