Konfessııaaralyq jáne órkenıetaralyq dıalogty damytý jónindegi N.Nazarbaev ortalyǵy jańa aqparattyq-tanymdyq joba ázirledi dep habarlaıdy ortalyqtyń baspasóz qyzmeti.
Joba álemdik jáne dástúrli dinder boıynsha qasıetti jerlerge vırtýaldy saıahat dep atalady. Ol boıynsha óz elimizde Áziret-Sultan kesene keshenine, basqa da qasıetti jerlerge vırtýaldy saıahat jasaýǵa bolady. Mysaly, bir ǵana Áziret-Sultan kesheniniń quramynda Qoja Ahmet Iаsaýı, Rábııa Sultan begim, Esim han, Gaýhar ana keseneleri men jerasty qylýeti kiredi.
«Sondaı-aq 3D ekranymen Mekkege, Qaǵbaǵa saıahat jasaýǵa bolady. Adamdar Ierýsalımdegi, Qytaı men Úndistandaǵy, álemniń basqa da túkpir-túkpirindegi kıeli, qasıetti sanalatyn oryndardy úıde otyryp-aq tamashalaı alady» delingen habarlamada.