Eýropa ǵalymdary jaqyn mańda koronavırýs juqtyrǵan adamnyń bar-joǵyn anyqtaıtyn smartfondarǵa arnalǵan qosymsha daıyndap jatyr dep habarlaıdy egemen.kz tilshisi Business Insider-ge silteme jasap.
Derekkózdiń málimettterine qaraǵanda, segiz eldiń 130 ǵalymy koronavırýs juqtyrǵandarǵa zertteý júrgizetin kórinedi.
Dárigerler qosymshaǵa naýqastardyń sany týraly málimetterdi jarııalaı alady. Sondaı-aq qosymshanyń Bluetooth arqyly jumys isteıtini jáne kem degende eki metr qashyqta koronavırýs juqtyrǵan adamnyń bar-joǵyn eskertetini aıtylady.Ǵalymdardyń sózine qaraǵanda, bul qosymsha koronavırýstyń jappaı taralýyn azaıtýǵa septigin tıgizedi eken.
Aıta keteıik, 7 sáýirden, ıaǵnı búginnen bastap bul qosymsha Eýropada jumys isteı bastaıdy.