Taýly-egerlik polkiniń bólimsheleri kezekshilkke turdy. Kezekshi toptardyń mindeti-karantındi aımaqtardyń shekarasyn ruqsatsyz aınalyp ótý áreketterin anyqtaý jáne karantın rejımin buzýǵa jol bermeý úshin Taraz qalasyna aparatyn joldardy patrýldeý. Bul týraly Qorǵanys mınıstrliginiń baspasóz qyzmeti habarlady.
Osy maqsatta Tarazǵa jaýyngerlik attar men tájirıbesi mol 30 kelisimshart boıynsha áskerı qyzmetshiler jiberildi. Sonymen qatar, qyzmettik attardy ustaıtyn oryn salyndy.
«Taraz mańyndaǵy blokbeketterde jaýyngerlik kezekshilikti atqarý úshin bizdiń bólimimizden eń úzdik jáne jaqsy daıyndalǵan áskerı qyzmetshileri men jaýyngerlik attary jiberildi, - dep atap ótti áskerı bóliminiń komandıri maıor Erkin Jolamanov.
Topty taýly-egerlik rotasynyń komandıri aǵa leıtenant Bekdaır Tólegenov basqardy.
Atalmysh bólimshede taý-atys, taýly-egerlik rotalary bar. Áskerı qyzmetshilerinde kásibı alpınısttik, sondaı-aq atpen jumys isteý daǵdylary jaqsy damyǵan. Áskerı birlik retinde qyzmette jylqylar da bar. Tehnıkaǵa júrip ótýge qıyn taýly jerlerde, olar oq-dárilerdi, júkterdi, jaralanǵandardy tasymaldaý syndy mindetterdi atqarady. Jalpy atalmysh bólimshe taýly aımaqtardaǵy jaýyngerlik is-qımyldar kezinde joǵary utqyrlyǵymen jáne sheberligimen erekshelenedi.
Taýly-egerlik rotanyń áskerı qyzmetshileriniń kásibıligi halyqaralyq deńgeıde de dáleldedi. О́tken jyly komanda halyqaralyq áskerı oıyndar aıasynda Mańǵolııada ótken «At marafony» baıqaýynda, sol eldiń qatysýshylaryna ǵana ese jiberip, ekinshi orynǵa ıe boldy.
Taýly-egerlik bólimshedegi qyzmet erekshe bilim men daǵdylardy talap etedi. Al oqý-jattyǵýlarmen, saıystar barysynda jınaǵan tájirbıe, qyzmette óz úlesin qosady.