Janbaı – Isataı aýdanyndaǵy iri eldi meken. Tótenshe jaǵdaı engizilgenine qaramastan, osy aýyldyń 4 turǵyny túngi mezgilde aýdan ortalyǵyna barǵan. Bul olardyń 3 táýlikke qamalyp qalýyna basty sebep bolyp otyr.
«Janbaı aýylynyń tórt turǵyny tótenshe jaǵdaıdyń jarııalanýyna baılanysty memlekettik organ belgilegen talaptardy oryndamaǵan. Olar 2020 jyly 7 sáýirde túngi saǵat 22.30 shamasynda Aqqystaý aýylyndaǵy Egemen Qazaqstan kóshesiniń boıynda toptasyp júrgen. Keshki saǵat 21:00-den keıin kólik quralymen sebepsiz kóshede júrip, tótenshe jaǵdaı rejımin buzǵan» -dep habarlady oblystyq sottyń baspasóz qyzmeti.
Osyǵan baılanysty toltyrylǵan ákimshilik hattamamalar Isataı aýdandyq sotyna joldanǵan. Sotta tótenshe jaǵdaı rejımin buzý faktisine qatysty 4 ákimshilik is qaraldy. Quqyq buzýshylar «TrueConf» qosymshasy arqyly sot otyrysyna qatysyp, ózderiniń kinálaryn moıyndady.
Sot qaýlylarymen quqyq buzýshylar kináli dep tanylyp, olardyń árqaısysyna 3 táýlik merzimge ákimshilik qamaqqa alý jazasy taǵaıyndaldy.
Jumasat ǴAZIZ