Eýropa fýtbol odaǵy qaýymdastyǵy (ÝEFA) Chempıondar lıgasy men Eýropa lıgasynyń qalǵan matchtaryn tamyz aıynyń úsh aptasynda ótkizýdi josparlap otyr.
Oqıǵanyń osylaı órbigen nusqasyna sáıkes, barlyq ulttyq birinshilikter shilde aıynyń sońyna deıin aıaqtalýy tıis, al Eýrokýbok oıyndaryna qatysatyn komandalar tamyzǵa deıin ishki chempıonatqa alańdamaýy kerek. Qazirgi ýaqytta bul usynysty ÝEFA basshylyǵy talqylap jatyr.
Chempıondar lıgasy men Eýropa lıgasynyń 1/8 matchtary naýryz aıynda ýaqytsha toqtatylǵan bolatyn. Al ÝEFA 1 sáýirde ótken onlaın otyrysta Eýrododa oıyndary koronavırýs pandemııasyna baılanysty belgisiz merzimge kóshirilgenin habarlady.
Aıta keteıik, sońǵy málimet boıynsha, álemde 1 856 798 adam koronavırýs dertine shaldyqqan. Onyń ishinde 114 312 naýqas qaıtys bolyp, 428 275 adam dertinen aıyqty. Álemde eń kóp AQSh, Ispanııa, Italııa, Fransııa jáne Germanııa azamattary atalǵan indetke shaldyqqan.