Dál qazir Nur-Sultan qalasynda sáýirdiń aq jańbyry sebelep tur. Iаǵnı, alǵashqy jańbyr. Áli esimde qozy qaıyryp, buzaý baǵatyndaı jasqa jetken bizderge úlkender alǵash jańbyr jaýǵan kúni qalpaq-taqııalaryńdy alyńdar quıqalaryńa jańbyr sýy tısin deıtin. «Nege olaı?» deımiz ǵoı. Jaýap bireý: «Dert-debirden qutylasyńdar!».
Sóıtsek, bul úlkenderdiń ózderi oılap tapqan dúnıesi emes eken. Arǵy jaǵy quran-hadıste jatypty. Mysaly, qadirli paıǵambarymyzdyń (s.ǵ.s) hadıs-shárıbinde: «Jábiráıil (a.s.) maǵan sondaı keremet dári úıretkeni sonshalyq ol dáriniń arqasynda emshilerdiń dárisine muqtajdyq qalmaıdy» deıdi. Sahabalary: «Ol dárini bizge de úıret ýa, Allanyń paıǵambar!» deıdi. Paıǵambarymyz (s.a.s.): «Sáýirdiń jańbyryn jınańdar. Oǵan 70-ret Fatıha súresin, 70 ret Yhlas súresin, 70 ret Falaq súresin, 70 ret Nas súresin, 70 ret tásbıh duǵasyn (Sýbhanallahı ýalhamdýlılláhı) oqyp, 7 kún úzbeı tańerteń jáne keshke bir dúrkin paıdalanyńdar».
Joǵarydaǵy sharıǵat úkimine júginsek: sáýir jańbyry tabıǵatty tazalaıdy. Ala qystaı qara jerdiń qyrtysynda uıalap jatqan mıkrop-vırýsterdi joıyp jiberedi. Tipti jan-janýarlardyń jarasy jazylyp, júni túleıdi.
Sondyqtan da, biz Allanyń qalaýymen qazirgi jaǵdaıda jer jahandy jaılap jatqan koronavırýstyń indetin sáýirdiń jańbyry shaıyp ketse eken dep tilep otyrmyz.
Joǵarydaǵy hadıs úkimin ekolog ǵalymdar da joqqa shyǵarmaıdy. О́ıtkeni, qara jerdiń baýyryn býsandyryp, jerdi kóktetetin osy sáýir jańbyry. Biraq, onyń sýyn paıdalaný úshin ol ekologııalyq turǵydan taza bolýy tıis eken. Buny da eskergen jón bolar.