Koronavırýs derti órship turǵan qıyn kezeńde muqtaj adamdarǵa qol ushyn berý maqsatynda álemge áıgili sportshylar ózderiniń qundy zattaryn aýksıonǵa qoıyp, sodan túsken qarajatty tolyqtaı qaıyrymdylyq sharalaryna jumsap jatqany jaıynda biz buǵan deıin de baıandaǵanbyz.
Solardyń qatary taǵy bir sportshymen tolyqty. Grekııanyń ataqty tennısshisi Stefanos Sısıpas óziniń raketkasyn aýksıonǵa qoıdy. Dál osy raketkamen ol byltyr ATR-diń qorytyndy týrnırinde top jarǵan edi. Fınalda Stefanos Domınık Tımge tize búktirdi. Ázirge aıtýly raketka 200 eýroǵa baǵalanyp otyr. Desek te Afınyda ótip jatqan aýksıonnyń áli alty kúnge deıin sozylatynyn eskersek, Sısıpastyń «dúnıesiniń» quny da ósetini anyq.
Stefanos Sısıpastyń ózine keletin bolsaq, bıylǵy jyldyń tamyz aıynda ol 22 jasqa tolady. Ejelgi Ellada eliniń ókili joǵaryda atalǵan ataqtan bólek, ATR týrnırlerinde bes ret dara shyqty. Byltyr Aýstralııa ashyq birinshiliginiń jartylaı fınalyna deıin jetti. Búgingi tańda Sısıpas álemniń altynshy raketkasy atanyp otyr.