Nur-Sultan men Almatydaǵy birqatar mekemeler 20 sáýirden bastap jumys isteıdi. Olar sanıtarlyq-epıdemıologııalyq normalardy qatań saqtaýy tıis.
Memlekettik komıssııa bekitken tizim boıynsha Nur-Sultanda:
óndiristik kásiporyndar; qurylys jáne jol qurylysy salasyndaǵy kompanııalar, iri qurylys dúkenderi; kólik, qoımalaý salasyndaǵy kompanııalar, aýyl sharýashylyǵymen baılanysty qyzmet kórsetetin kompanııalar; avtosalondar, TJO, kólik jýatyn oryndar, dóńgelek aýystyrý qyzmeti, avtobólshek dúkenderi, hımııalyq tazalaý jáne keńse tehnıkasyn jóndeıtin oryndar; ekinshi deńgeıli bankter 9:00-den 16:00-ge deıin, al notarıýstar aldyn ala jazylý boıynsha; qoǵamdyq tamaqtaný nysandary jetkizip berý ne ózimen alyp ketý boıynsha jumys isteıdi, olardyń jumys ýaqyty 22:00-ge deıin uzartylady.Almaty qalasynda:
ónerkásiptik kásiporyndar; qurylys jáne jol qurylysy salasyndaǵy kompanııalar, qurylys materıaldaryn satatyn iri kóterme bazarlar;notarıýstar aldyn ala jazylý boıynsha jumys isteıdi; Bir HQKO (Naýryzbaı aýdany, Shuǵyla sh-a, 347/1) tek kásipkerlerge qyzmet kórsetedi.