«Qandyaǵash – Maqat» (160-504km) aýqymdy jobasy ınfraqurylymdy damytýdyń «Nurly jol» memlekettik baǵdarlamasynyń aıasynda júzege asyrylýda. Joba 7 ýchaskege bólingen. Joldyń jalpy uzyndyǵy 299 shaqyrymdy quraıdy. Jobanyń bas merdigerleri - «Todini», «Shanghai», «Ant», «Aqjol» jáne «SPIK Akkord» kompanııalary. Bul týraly IIDM baspasóz qyzmeti habarlady.
Joba iske asyryla bastaǵannan beri jer tóseminiń 3909,8 myń tekshe metri tógildi. 144,7 shaqyrymda tóseme qabat, 125,4 shaqyrymda jol negizdemesiniń tómengi qabaty, 108,8 shaqyrymda jol negizdemesiniń joǵarǵy qabaty jáne 99,7 shaqyrymda jól tóseminiń tómengi qabaty jatqyzyldy. Budan bólek, jolshylar 68 sý ótkizý qubyryn montajdady.
Kompanııalar bıylǵy qurylys maýsymyna qıyrshyq tastyń 450,63 myń tekshe metrin, temir-betondy buıymdardyń 2,36 myń tekshe metrin, bıtýmnyń 2,31 myń tonnasyn daıyndaǵan.
2020 jyldyń sońyna deıin «Qandyaǵash – Maqat» tasjolynyń 154 shaqyrymynda qozǵalys ashylady dep josparlanýda.
Aıta ketý kerek, qaıta jańartý jumystaryna 1500 qyzmetker jumyldyrylady dep kútilýde. Olardyń 1420-y jergilikti turǵyndar qatarynan tartylmaq.
2021 jyly joba aıasyndaǵy jumystar aıaqtalǵan soń respýblıkalyq mańyzǵa ıe «Qandyaǵash- Maqat» joly II tehnıkalyq sanatqa sáıkestendiriledi.
Eske salaıyq, Qazaqstanda 2020 jyly qurylys jáne qaıta jańartý jumystarymen avtomobıl joldarynyń 4 myń shaqyrymy qamtylsa, qozǵalys 2 myńnan astam shaqyrym jolda ashylady dep josparlanyp otyr.