Astanada ótken Damýshy naryqtardyń Eýrazııalyq forýmyna qatysýshylar Memleket basshysy Nursultan Nazarbaevtyń Qazaqstan damýynyń 2050 jylǵa deıingi strategııasyn eki kún boıy talqylap, oǵan oń baǵa bergeni málim. Osyǵan deıingi ýaqytta jas táýelsiz memlekettiń ekonomıkasy shıkizattyq resýrstardy ıgerý, olardy halyqaralyq rynoktarǵa shyǵarýdy jolǵa qoıý negizinde damyp kelgeni belgili. Al Qazaqstan damýynyń 2050 jylǵa deıingi strategııasy múldem jańa maqsatty kózdeıdi. Qujatta negizgi ekpin adam resýrstaryn damytý, ınnovasııalyq tehnologııalardy ıgerý máselesine túsedi. Máseleni talqylaýǵa qatysqan sarapshylardyń kópshiligi osy jáıtti atap kórsetti. Endi solardyń birqataryna sóz bereıik.
Astanada ótken Damýshy naryqtardyń Eýrazııalyq forýmyna qatysýshylar Memleket basshysy Nursultan Nazarbaevtyń Qazaqstan damýynyń 2050 jylǵa deıingi strategııasyn eki kún boıy talqylap, oǵan oń baǵa bergeni málim. Osyǵan deıingi ýaqytta jas táýelsiz memlekettiń ekonomıkasy shıkizattyq resýrstardy ıgerý, olardy halyqaralyq rynoktarǵa shyǵarýdy jolǵa qoıý negizinde damyp kelgeni belgili. Al Qazaqstan damýynyń 2050 jylǵa deıingi strategııasy múldem jańa maqsatty kózdeıdi. Qujatta negizgi ekpin adam resýrstaryn damytý, ınnovasııalyq tehnologııalardy ıgerý máselesine túsedi. Máseleni talqylaýǵa qatysqan sarapshylardyń kópshiligi osy jáıtti atap kórsetti. Endi solardyń birqataryna sóz bereıik.
Tamar Manýelıan ATINK,
Búkilálemdik banktiń adam damýy jónindegi eks-dırektory:
– Men Qazaqstan Prezıdenti Nursultan Nazarbaevtyń 2050 jylǵa taman óz elin álemdegi eń myqty damyǵan 30 memlekettiń qataryna qosý strategııasyn tyńdap, erekshe rıza boldym. Forýmnyń plenarlyq májilisinde Memleket basshysy osy maqsatqa qol jetkizýdiń joldaryn aıtyp berdi. Prezıdent baıandamasy óte jaqsy jasalynǵan. Onda 2050 jylǵa deıingi ýaqytta halyqaralyq qaýymdastyqta bolatyn ózgerister qamtylǵan.
Prezıdent óziniń sóziniń barysynda strategııa alǵa qoıǵan mindetterge sáıkes endigi kezekte shıkizatqa baǵyttalǵan ekonomıkadan shyǵý, ony jańa jolǵa salý qajettigin aıtty. Sonyń negizgi joly retinde adamdardyń ádil de erkin ómir súrýin qamtamasyz etetin quqyqtyq reforma júrgizilip, táýelsiz de ashyq sot júıesi jasaqtalynbaq. Al ekonomıkada negizgi nazar adam kapıtalyn damytýǵa aýdarylmaq.
Meniń oıymsha, bular strategııada alǵa qoıylǵan maqsatqa qol jetkizý isiniń asa mańyzdy qaǵıdatty sharttary bolyp tabylady.
Árıne, Qazaqstan mıneraldy resýrstarǵa óte baı. Biraq olardyń barlyǵy kez kelgen tabıǵı resýrs sekildi shekteýli ǵana mánge ıe. Sondyqtan, osy mıneraldy resýrstardy adam kapıtalyn damytý isine sátti de tıimdi paıdalaný, jer baılyqtaryn adam baılyǵyna aýdarý joldary qarastyrylǵan. Al, adamnyń resýrstyq áleýeti kez kelgen tabıǵı shıkizattyq baılyqpen salystyrǵanda sheksiz ekendigi belgili. Adamǵa qanshalyqty bilim berseń, ol soǵurlym alǵa basyp damı beredi. Qazirgi dúnıedegi barlyq materıaldyq baılyqty adamnyń aqyl-oıy men qaırat-jigeri jasaǵan. Adam resýrstaryn damytý degenimiz – sol baılyqty eseleý joly. О́mirdiń negizgi máni de adamnyń baqytty da baqýatty ómirge qol jetkizýimen, erkin oılaı bilý qabiletimen ólshenedi.
Mine, osy turǵydan alǵanda Nursultan Nazarbaevtyń aldaǵy uzaq merzimge arnap jarııalap otyrǵan memlekettik saıasaty negizgi ómirlik maqsattardy dóp basyp otyr. Bul saıasat jastarǵa tárbıe men bilim berý, densaýlyqtaryn nyǵaıtý, olardy alǵy kúnderge jigerlendire otyryp, armandaryna qanat bitirýge negizdelgen.
Bolashaqq